有兩張相喇! @ KTC Photography

影相當日雖然冇藍天好無奈 (因為天氣報告話當日有啲陽光, 所以先把心一橫臨時改日子)

但係 KTC team 都係年青人, 成個過程都係開心嘅~ 上次去台北凱瑟琳, 蕭總監太 cool (好專業), 但係大家無乜交流, 而且 Larry 真係全程 98% 都記得我同大少嘅名 (另外果 2% 係因為佢同時要諗燈光擺位, 先猶豫兩秒諗下我哋係咩名), 所以每次執pose 時我都有反應~  感覺親切好多!  這點大少都大讚呢~

上次蕭總監全程只係講 "新娘、新郎、帥哥、美女", 仲要用普通話, 真係鬼識應佢咩..........   雖然明白攝影團隊面對咁多新人, 好難記得每一個名, 但係在我角度, 如果叫得出自己個名, 係會投入好多~

等咗幾日, 終於都等到 KTC 嘅相post 上 Facebook Page 度 (止下咳先), 之前仲擔心影得唔好 (雖然我對 Larry 有信心), 唔放上 FB......... 以為要等兩星期後先有相睇

當日全日陰天, 其實都有啲唔開心, 諗唔到 11月尾天氣仍然咁差, 果然其實都好凍同大風, 好彩冇冷病!

以下呢張相, 我啲 friend 見到都話正 (因為佢哋係愛車之人, 所以特別喜歡!)

 

雖然冇我至愛嘅藍天, 但好彩山頂果邊嘅景都好清, 冇霧, 效果都好好~

 

另一張, 好滿意陰天都有呢個效果~ (請忽視我的樣子)

 

朋友話呢張好英式花園~

 

以 package 價錢嚟講, CP 值好高, 連大少都話抵同影得靚~ 大少仲改口風支持我 HK 影多輯決定! 話去完外地影, 點都要一輯 HK 影呢~（之前我要氹佢先肯再影多輯!)

 

Larry 佢哋真係好 nice, 我漏咗個婚紗袋在 Niko 個studio 度, 去到香工大厦門口, 佢哋專程上返去幫我攞返, 之後幫我將套晚裝放返入去先離開, 咁好 service 真係唔好意思, 亦都覺得自己冇揀錯 vendor, 可以向大少交代

 

好彩半年前自己堅持影多輯 HK pre-wedding , 唔係一定會後悔, 多謝 Larry 令我在有限 budget 內影到咁好嘅相!