2013年11月3日 星期日

龍景軒 @ Four Seasons Hotel

米芝連三星餐廳我只拜訪過兩間 1. Caprice (當年COO 慶祝我正式成為 HKICPA) 2. 龍景軒

兩間都位處四季酒店, 呢間酒店真係厲害, 咁多星級餐廳 (稻菊都算係餐廳一部分, 大鄉里嘅我食過一次 lunch)

雖然無條龍在menu 上, 唔知點解感覺係有龍嘅意境 XD
 
龍蝦腸粉 (好似係$148)
呢碟腸粉1st 食嘅時候驚為天人, 勁多爽口彈牙龍蝦, 但只此一次, 往後幾次食已經失哂水準, 龍蝦份量少, 仲要唔夠彈牙, 雖然每次必叫, 但宜家要考慮之後唔 order 了, 始終價值不太值
 
帶子蝦餃
蝦肉同帶子份量唔太多, 寧可淨叫蝦餃, 口感豐富得多!
 
 
~燒賣 ~
好味道, 蝦肉多, 唔會有過多肥豬膏
 
近鏡看, 燒賣十分飽滿, 賣相同味道一流!
 

誠意推介! 蒜香蝦春卷
內裏勁多蝦, 好飽滿, 亦很鬆脆, $60 性價比較高, 唯一係冇乜蒜香味 (可能太多蝦了~)
 
龍景出名點心 - 原隻鮑魚雞粒酥 (@$58)
每次必食, 貴為名菜當然好味, 原隻鮑魚仔很貼心地已砌開三份, 讓紳士淑女們唔會食到好狼狽, 酥皮撻好鬆化, 正!


 
(食呢隻鮑魚酥前 staff 會換碟)
 
兩名至愛食品合照 (我係蝦怪來的XD)

自家製醬料都好出色, XO 醬 (右邊) 好足料, 唔似坊間只得辣同鹹味 
 
每次用餐後都送嘅小甜點, 今次係柱花杞子糕同黃糖糕 (今次嘅甜點有削 @@)
 
 
 
之前食過奶皇酥, 樹葉形狀 (四季酒店logo), 好細件, 沒多奶皇餡 (因為件酥幾扁下), 都係至愛嘉麟樓炸奶皇酥 (真係無敵!)
 
 
另外, 龍景軒幾乎 (以我認知), 都係用日本品牌 Narumi 作為餐具 (連腸粉用豉油壺都係), 又加分, 而嘉麟樓就用自己logo 嘅餐具, 感覺質素係四季好啲, 我好 like 睇餐廳用咩餐具的 XDD
 
至於服務, 當然好啦, 茶壺在另一位置一路用蠟燭熱住, 食客不用自己斟茶 (個壺都唔響張枱度), staff 會幫你斟 (佢哋好眼利, 見你飲完啖茶即刻會斟), service 一流!
 
 

沒有留言:

張貼留言