當年無意中在家發現 FF 遊戲背景音樂o既Orchestra version, 開嚟聽下, 一聽之下, 已經愛上~
之後家裏出現無數 FF 原聲大碟/ 交響大碟, 閒賦在家就播, 連媽咪都熟 (佢都話好聽)
前幾個月 (四月) 的一晚放工, 見到地鐵扶手電梯廣告得知有FF 音樂會來港演出, 即通知阿哥, 然後立刻回家購票~
其實好想買A 區票, 因為可以近距離接觸FF 音樂大師植松伸夫同埋簽名, 但實在太昂貴, 所以退而求其次買 $880 飛算.........
揀咗星期日去, 1)要就阿哥女友 2)可以坐近Stage 啲同埋正中間位
等咗四個月, 終於到咗 28/07/2013
同阿哥搭巴士入去, 真係好長途, 途中落大雨, 好彩落車時停哂雨~
入到會場, 當然有Playstation 宣傳, 有 FF game 供試玩, 仲有留言版, 真係玩得好靚~
隻MOG 畫得好似~ Zack 都畫得好好~
因為要等阿哥o既遲到女友, 好快已經7:30, 要入場!
一入到場見到交響樂團已準備, 一坐低即刻演奏樂曲, 好彩!
是次樂團指揮係格林美得主Arnie Roth , 佢仲兼任司儀
每首樂章都係我同阿哥所熟悉, 真係好感動, 演奏其間仲有經典遊戲畫面伴隨, 投入感大增加
植松伸夫上台一刻, 阿哥好開心 + 興奮 (未見過佢咁), 聽咗佢o既音樂廿年, 終於見到真人!
壓軸o既一首係FF7 o既 Sephiroth (至愛) ~ 全場尖叫, 真係難得交響樂會場咁熱鬧, Fans 們個個都好興奮 (包括我同阿哥)
完咗Sephiroth, 連 Distant Worlds logo 都變咗火紅色~
完咗果刻真係好唔捨得, 雖然博覽館完全唔適合做演奏, 浪費咗啲音樂同佈置, 但係難得 Distant Worlds 來港演出, 點都值得去! 希望下次去文化中心演出, 效果一定更好!
我估 Distant Worlds 未必會再嚟HK, 如果有當然要再棒場!
沒有留言:
張貼留言