石澳半天遊~

因為另一半嘅好友住在石澳嘅關係, 自我倆拍拖以來, 成日都駕車到石澳 hea~

之後夜晚要去灣仔聽 FF XIII 音樂, 所以預早在港島遊覽!
食完安利之後就出發入石澳~ 果度除咗水清沙幼, 最大原因係有一大個免費泊車場! 放低架車幾耐都唔怕入唔切錶慘食牛肉乾 (被炒牌) !!

今日天氣好好, 藍天白雲樣樣齊, 如果早幾日影 pre-wedding 時係咁就好喇 >.<

前排去親石澳都來去沖沖, 無咩行過行山, 對上一次已經係讀書年代!

去到當然影張沙灘相先 (其實當時好大風!)

沿著後山方向進發!

好有歐陸風情小屋~ 

 每家每戶都好有心機種植~

估唔到冬天都有開得茂盛嘅花~

(經典石澳 pre-wedding 場景之一 XD)

上到頂就會到達後灘!

(沿路好多新起洋房, 屋嘅另一邊係無敵海景, 超靚!)

Hea 背一個 XD 

到後灘了, 經典巨浪衝石場景出現!

當然唔少得影pre-wedding 嘅新人~

後灘另一邊~

石澳好有小鎮風情, 好多外國人都選擇在此定居, 空氣好好, 希望往後日子仍能保持這種特色, 畢竟時代轉變, 為咗發展, 好多自然環境都被破壞........

行完一輪, 當然去另一半至愛同埋只會星期六、日或公眾假期才開檔嘅萬利士多食牛肚米啦 (指定動作 XD)

原本影 pre-wedding 時都有考慮過嚟石澳, 始終我同另一半好多回憶響呢度! 但係時間唔容許, 就此作罷, "如果"又影多輯, 石澳一定會係考慮之列! (呢句話希望唔會嚇親另一半 XD)