2013年11月23日 星期六

利強記 - 北角雞蛋仔 -

由細到大都好鍾意食雞蛋仔、格仔餅、pancake 呢類用蛋 + 粉整出嚟物體~ 雖然材料大同小異, 只係外表唔同, 本人覺得好唔同 ga XD

細個嘅時候, 街上有好多無牌/有牌小販檔賣雞蛋仔, 但近十年已不復見, 除咗政府大力掃蕩, 失傳係原因之一, 宜家後生一輩都唔會自己整架木頭車去賣啦!

雞蛋仔質素每況愈下......... 好難搵到好嘅!

十年前左右見到雜誌介紹成日大排長龍嘅北角雞蛋仔, 即刻食指大動, 排埋一份, 以前在杏花邨返學, 放學時間唔係繁忙時間, 都要等 10 mins, 格仔餅再等耐啲, 其實舖入面已經有6-8個雞蛋仔模整緊, 唔係更加耐!

出名之後越賣越貴, 分店質素參差, 上大學後已經好少食喇~

去音樂會前, 唔會食晚飯就想起去買底嚟食~

可能分店多咗關係, 排 5 mins 已經買到, 不過條隊唔會散, 一直維持相若人數~

紙袋開洞讓其疏氣, 咁先至脆
 

呢個年代咩都貴, 一底雞蛋仔冇咩成本可言, 都要$15.......... 鬼叫自己 like 呢啲古怪食物咩

沒有留言:

張貼留言