金鳳軒

除咗功夫點心外, 另一間常去嘅點心小店就係金鳳軒.........

位置在太子近大角咀, 雷生春斜對面, 著名据扒地金鳳茶餐廳隔離 (其實唔知係咪同一個老闆來的)

呢間點心選擇多過功夫, 夜晚食仲有砂鍋粥! 非常之好~

蝦餃

(兩隻起, 蝦肉彈牙, 無乜漂過! 必食 !)

燒賣

(兩隻起, 足料~ 媽咪至愛!)

鳳爪排骨飯

($22 可以食齊兩種點心加煲仔飯, 鳳爪唔係坊間得層乾皮的, 排骨都好味, 煲底仲要有飯焦, 但又唔燶, 激讚! 夜晚版本大煲啲, 當然貴少少啦, 但都好抵食! 另外, 可以用優惠價要一碗湯水, 都幾足料 ga)

椰皇燉蛋白

($28 必選之一! 呢個價點都平過糖水舖, 而且係用椰皇水做燉蛋白, 出面冇的, 以前稻香食火煱必搶, 宜家冇 lu, 好彩有呢度止下咳~)