去到深水埗總店時已經4 點鐘, 在店內行咗幾個圈都搵唔到妖狐踪影, 於是向店員查詢, 店員指出所在位置, 但我乜都見唔到! 失望之際, 老闆娘搵另一同事幫忙入倉搵, 但果位同事剛入咗倉, 我要呆等, 5 分鐘店員出嚟, 老闆娘即刻叫店員入倉搵, 其實隔咗幾日, 都驚無乜貨, 因為其他玩具店未見有貨返............ (不過事前在yahoo 拍賣見到有, 個心都定啲, 起碼唔駛食炒價住!)
隔咗陣, 店員由倉拎咗兩隻出嚟, 話最後喇, 求其揀咗隻後 (兩隻都有雪梨紙包住), 跟住俾錢, 有驚無險下帶妖狐返屋企~ Yeah ~
值得注意係, 現貨價比預訂價平多廿蚊~~~~ 但就有啲驚險!
夜晚返到屋企, 即刻開箱!
實物真係超正, 同官圖一樣!
好大盒, 收藏有難度!
BoxArt 好吸引, 唔捨得掉咗個盒, 唯有摺埋佢
實物真係同官圖一樣ga!
正到冇朋友!
如果整到呢個樣, 就更加神似~
另附有右手臂, 可做出另一個動作, 雖然關節不可動, 但好似SHF 咁跤位 ball joint 突出咁怪相, 寧願好似宜家咁, 型到爆算!
呢隻入手價 HK530, 我覺得值 ga, 等咗十幾年, 終於有款高質素嘅 figure! (以前勁普通都要成舊水, fans 真係唔介意俾多啲錢買隻正嘢返屋企!)真係想搵返(後追)蔵馬呀 >.<
如果可以嘅話, 我想Display 佢出嚟, 要努力搵下個Acrylic 透明箱喇~
沒有留言:
張貼留言